Бозингари аз ҳама ҷавонтарин дар EURO-2012

Душанбе, 11 июн. ( АМИТ «Ховар», Аловиддин Бӯриев).- Йетро Виллемс, нимҳимоятгари дастаи ПСВ –и Ҳоланд ва дастаи мунтахаби ин кишвар, ки дар вохӯрӣ бо дастаи Дания ба майдон омад, ҳамагӣ 18 солаву 71 рӯза буда, дар таърихи бозиҳои финалии ҷоми Аврупо бозингари аз ҳама ҷавон номбар мешавад. Пештар Энтсо Шифо, футболбози белгиягӣ, ки дар чемпионати Аврупо дар соли 1984 баромад дошт, 18 солаву 115 рӯза буд. Виллемс дар мавриди охирин ҳамдастааш Эрик Питерсро, ки ҷароҳат бардошта буд, дар ҳайати дастаи мунтахаби Ҳоланд иваз кард.