Бюллетени амнияти озуқаворӣ аз чоп мебарояд

Душанбе, 18 июн. (АМИТ «Ховар», Дилшодаи Хайруллоҳ).- Вазорати кишоварзии Ҷумҳурии Тоҷикистон дар ҳамкорӣ бо Созмони озуқа ва кишоварзии (ФАО) Созмони Милали Мутаҳид бо мақсади таҳким ва густариши системаи маълумотдиҳии миллии амнияти озуқавории Тоҷикистон мизи мудаввар оид ба муаррифии бюллетени амнияти озуқаворӣ доир намуд. Дар кори он намояндагони соҳаҳои иқтисод, кишоварзӣ, Агентии обуҳавошиносӣ ва Агентии омор иштирок намуда, оид ба нашри бюллетени омории амнияти озуқаворӣ таклифу пешниҳодҳои муфид ироа намуданд. Ёдовар мешавем, ки бюллетени амнияти озуқаворӣ бо дастгирии молиявии Иттиҳоди Аврупо ва Созмони озуқа ва кишоварзӣ минбаъд моҳе як маротиба дар ҳаҷми 4 саҳифа аз чоп мебарояд.