Дар 5 моҳ 7 ҳазору 581 ҷиноят

Июнь 19, 2012 09:01

Душанбе, 19 июн. (АМИТ «Ховар», Лаззат Диловарзод).- Бино ба маълумоти Агентии омори назди Президенти Ҷумҳурии Тоҷикистон, дар 5 моҳи аввали соли 2012 дар қаламрави ҷумҳурӣ 7 ҳазору 581 ҷиноят ба қайд гирифта шудааст. Аз ҳисоби умумии ҷиноятҳои содиршуда 6 ҳазору 442 –тои онро кормандони Вазорати умури дохила ва мақомоти прокуратура ва боқӣ 1 ҳазору 139 ҷиноят аз тарафи дигар кормандони мақомоти ҳифзи ҳуқуқ ба қайд гирифта шудааст. Дар ин муддат аз тарафи ҷавонон беш аз 1 ҳазору 200 ҷиноят содир карда шудааст, ки аз он 12 ҳодиса мансуб ба куштор аст.Ба гуфти вазири корҳои дохилии ҷумҳурӣ Рамазон Раҳимов, аз оғози соли ҷорӣ то имрӯз 230 нафар ҷавонон барои ҷиноятҳои содиркардаашон зиндонӣ шуданд, ки 6 нафари он донишҷӯ мебошад.Ба иттилои манбаъ, аз ҷониби мақомоти тафтишоти умури дохилӣ 1 ҳазору 136 парвандаи ҷиноятӣ дар муқобили 1249 нафар ноболиғону ҷавонон, аз ҷумла донишҷӯён боз шуда, мавриди тафтишу таҳқиқ қарор дорад. Ба гуфти таҳлилгарон, аз ҳама бештар дар ин давра ҷиноятҳо аз қабили; дуздӣ, ғоратгарӣ, таҷовуз, сӯиқасд ба таҷовуз ва авбошӣ содир шудааст. Бахусус афзоиши ҷинояткорӣ миёни наврасону ҷавонон мақомоти ҷумҳуриро нигарон кардааст.

Июнь 19, 2012 09:01

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд