Дар пойтахт ду амалиёт анҷом ёфт

Душанбе, 4 июн.(АМИТ «Ховар», Марзия Саидова).-«Беш аз 450 метри мукааб партов дар доираи баргузории амалиёти экологии «Тозагии соҳил» аз канори дарёҳои Варзоб, Лучоб ва Душанбе бароварда шуд», гуфт дар сўҳбат ба хабарнигори АМИТ «Ховар» Абдусалим Ҷўраев, сардори Раёсати ҳифзи муҳити зисти шаҳри Душанбе. Ин чорабинӣ ҳамасола дар доираи таҷлили Рўзи байналмилалии муҳити зист гузаронида шуда, ҳадафаш тоза нигоҳ доштани муҳити зист ва баланд бардоштани маърифати экологии сокинони пойтахт аст.Дар чорабинӣ беш аз даҳ ҳазор шаҳрванд иштирок карда, инчунин соҳилҳои каналу селпартоҳои пойтахтро аз ифлосиҳо тоза намуданд. Ҳамзамон дар амалиёти экологии «Тозагии маҳал», ки дар тамоми маҳаллаҳои шаҳр бо иштироки даҳ ҳазор сокини пойтахт гузаронида шуд, 400 метри мукааб партовҳо аз дохили кўчаю маҳалҳо бароварда шуд.