Дар шаҳри Душанбе литсейи намояндагии ДДМ кушода мешавад

Душанбе, 7 июн. (АМИТ «Ховар», Людмила Дубинина). – Дар назди намояндагии Донишгоҳи давлатии Маскав ба номи М.Ломоносов воқеъ дар шаҳри Душанбе литсей аз рӯи фанҳои табиатшиносию риёзӣ кушода мешавад.Дар литсей баробари фанҳои таҳсилоти умумӣ ба риёзӣ, физика, кимиё ва иттилоот бештар диққат дода мешавад. Аз рӯи ҳамаи фанҳо муаллимони донишгоҳи мазкур аз қабили номзадҳои илм дарс медиҳанд. Тавре ки дар маъмурияти донишгоҳ ба хабарнигори АМИТ «Ховар» иттилоъ доданд, ҳамаи дарсҳо дар як баст мегузаранд. Дарсҳо асосан ба забони русӣ гузаронида мешаванд, вале дар сурати забони русиро суст донистани хонанда, бо вай машғулияти иловагӣ гузаронида мешавад. Пардохти маблағи таҳсил дар як сол аз 800 то 1000 доллари ИМА – ро ташкил медиҳад.