Директори «Телеком Технолоҷӣ» аз олам даргузашт
Душанбе, 23 июн.(АМИТ «Ховар», Мавҷуда Анварӣ). — 22 июни соли ҷорӣ бар асари бемории сактаи дил аввалин ташкилкунандаи интернет-правайдери Тоҷикистон, директори ширкати «Телеком Технолоҷӣ» Шавкат Халилов дар синни 49-солагӣ дар шаҳри Душанбе аз олам даргузашт. Дар ин бора ба АМИТ «Ховар» хешу наздикони марҳум хабар доданд. Ш. Халилов соли 1996 роҳбарии ширкати мазкурро бар дӯш дошт. Тайи солҳои фаъолияташ «Телеком Технолоҷӣ» дар бозори телекомммуникатсионӣ яке аз пешсафҳо ба шумор мерафт. Маросими ҷанозаи марҳум Шавкат Халилов имрӯз дар масҷиди марказии Душанбе баргузор мегардад.