Ду нафар бародар дар об ғарк шуд

Душанбе, 4 июн. (АМИТ «Ховар», Лутфия Эшонкулова).- 3 июн соати 19:19 дақиқа дар назди Наврӯзгоҳи пойтахт дар дарёи Душанбе 2 нафар бародар, сокинони ноҳияи И. Сомонӣ, соли таваллудашон 1977 ва 1979 ҳангоми моҳидорӣ дар об ғарқ шуда, ба ҳалокат расиданд. Ҷасади ғарқшудагон аз тарафи дастаи зудамали наҷотдиҳии Ситоди шаҳри Душанбе баъд аз ду соати ҳодиса аз об бароварда, ба шӯъбаи корҳои дохилии ноҳияи Фирдавсӣ супорида шуд. Дар ин бора ба АМИТ «Ховар» сардори маркази матбуоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон Ориф Нозимов хабар дод.