Дурнамои кишт ва парвариши пахта

Душанбе, 19 июн. (АМИТ «Ховар», Фирӯза Давлатова).- Соли ҷорӣ дар ҷумҳурӣ дар майдони 199696 гектар кишти пахта гузаронида шуда, дар майдони 341079 (171фоиз) коркарди байни қаторҳо анҷом ёфтааст.  Тавре аз Вазорати кишоварзӣ иттилоъ доданд, дурнамои кишти пахта дар вилояти Хатлон 128073 гектарро ташкил медиҳад, ки нисбати соли гузашта 1334 гектар зиёд аст. Дар вилояти Суғд низ соли ҷорӣ тибқи дурнамо дар майдони 61299 гектар кишти пахта гузаронида шудааст. Айни замон майдони кишти пахта пурра дар сабзиш аст ва корҳои ягонакунӣ, озуқадиҳӣ, обдиҳӣ сари вақт гузашта истодааст. Кишоварзони ноҳияҳои тобеи ҷумҳурӣ низ соли ҷорӣ дар майдони 10334 гектар кишти пахта гузарониданд. Инчунин чорабиниҳои агротехникӣ мувофиқи талабот ба роҳ монда шудааст.