Душанбе — пойтахти сулҳ ва ризоият
Душанбе, 23 июн. (АМИТ «Ховар», Мавҷуда Анварӣ). — Ба муносибати Рӯзи Ваҳдати миллӣ дар пойтахти кишвар таҳти унвони «Душанбе — пойтахти сулҳ ва ризоият» як ҳамоиши фарҳангиву ҳунарии ҷавонони эҷодкор доир мегардад. Чунон, ки дар сомонаи Ҳукумати шаҳри Душанбе омадааст, Фестивали мазкур рӯзи 26 июни соли 2012 аз соати 18:30 то 20:30 дар Боғи устод Рӯдакӣ баргузор мешавад. Дар фестивал на танҳо ҷавонони пойтахт, балки намояндагон аз шаҳру навоҳии гуногуни кишвар ва меҳмонон иштирок хоҳанд кард.