Эҳтиёт: ду нафар дар дарёи Сир ғарқ шуд

Июнь 7, 2012 11:00

Душанбе, 7 июн. (АМИТ «Ховар», Мавҷуда Анварӣ). — 6 июн соати 15: 20 дар шаҳри Хуҷанди вилояти Суғд ҳангоми шиноварӣ дар дарёи Сир ду ҳодисаи ғарқшавӣ дар вақти оббозӣ ба амал омада, дар натиҷа ду шаҳрванд: яке 23 сола ва дигаре 24 сола ба ҳалокат расиданд.Дар ин бора аз маркази матбуоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» иттилоъ доданд.Баъди гирифтани маълумот соати 17:50 дақиқа, гурӯҳи зудамали наҷотдиҳии Ситоди вилояти Суғд ба ҷои ҳодиса сафарбар гардид. Наҷотдиҳандагони ситод ҷасади харду мардро ба хешовандонашон супориданд. Кумитаи ҳолатҳои фавқулодда ва мудофиаи граждании кишвар шаҳрвандон ва меҳмонони Ҷумҳурии Тоҷикистонро ҳушдор медиҳад, ки дар мавсими шиноварӣ ҳангоми оббозӣ дар дарёҳо, обанборҳо, каналҳо ва ҳавзҳо, ки ба ғарқшавии шаҳрвандон оварда мерасонад, эҳтиёткориро риоя намоянд.Маҳз дар натиҷаи риоя накардани қоидаҳои бехатарӣ ҳангоми шиноварӣ дар дарёю кўлҳо дуюмин ҳодисаи ғарқшавӣ дар давоми ҳафта рӯй дод ва аз аввали мавсим дар кишвар 7 шаҳрванди ҷумҳурӣ ҳалок гардид.Кумитаи ҳолатҳои фавқулодда аз шаҳрвандон тақозо мекунад, ки барои рӯй надодани чунин ҳодисаҳо ҳангоми шиноварӣ дар дарёю кӯлҳо қоидаҳои бехатариро риоя намоянд ва аз шиноварӣ дар ҷойҳои манъшуда ва дарёҳои тезҷараён худдорӣ кунанд.

Июнь 7, 2012 11:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд