Гардиши савдои хориҷӣ дар панҷ моҳ

Душанбе, 28 июн. (АМИТ «Ховар», Лаззат Диловарзод).-Дар Агентии омори назди Президенти Ҷумҳурии Тоҷикистон ба мухбири АМИТ «Ховар» иттилоъ доданд, ки дар моҳҳои январ – майи соли 2012 гардиши савдои хориҷии Ҷумҳурии Тоҷикистон ба 2 млрд. 361 млн. доллар баробар шуд, ки нисбат ба ҳамин давраи соли 2011 ба миқдори 168,9 млн. доллар зиёд аст.Ҷумҳурии Тоҷикистон дар ин давра ба 87 давлати дунё, аз ҷумла ба 10 кишвари Иттиҳоди Давлатҳои Мустақил (ИДМ) ва 7 мамолики хориҷи дур муносибатҳои савдои хориҷиро ба роҳ мондааст. Ба иттилои манбаъ, 57,4 фоизи гардиши савдои хориҷиро ҳиссаи мамлакатҳои хориҷи дур, ки баробари 1 млрд. 168,4 млн. доллар мебошад, ташкил дода аст. Гардиши савдои хориҷӣ ба ҳиссаи мамлакатҳои ИДМ дар зарфи 5 моҳи аввали соли ҷорӣ ба 42,6 фоиз ё 867,7 млн. доллар расонида шудааст.Агар дар 5 моҳи соли 2012 содироти мол 557,3 млн. долларро ташкил дода бошад, воридоти мол ба ҷумҳурӣ баробари 1 млрд. 478,8 млн. доллар мебошад, ки нисбат ба ҳамин давраи соли 2011 209,6 млн. доллар зиёд аст. Ин дар суратест, ки андозаи моли содиротӣ бояд аз воридот чандин маротиба зиёд бошад, ки он ба нафъи кишвар аст.