Гурӯҳи Тоҷикистон сазовори Шоҳҷоизаи озмун гардид
Душанбе, 21 июн. (АМИТ «Ховар», Мавҷуда Анварӣ). – Аз 15 то 20 июни соли 2012 дар Ҷумҳурии Кабордина — Балкарияи Федератсияи Русия Фестивали байналмилалии «Баҳори донишҷӯёни ИДМ дар Кавказ» баргузор гардид. Фестивали мазкур бо даъвати Вазорати варзиш, туризм ва сиёсати ҷавонони Федерацияи Русия гузаронида шуд.Дар чорабинии мазкур беҳтарин донишҷӯёни кишвар таҳти роҳбарии сардори Раёсати кор бо ҷавонони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Носир Бӯриев симои ҷавонони кишварро бо номераҳои мусиқӣ, рақс, ҳунари саҳнавӣ, рӯзноманигорӣ ва гӯшаи Тоҷикистону дастурхони тоҷикона муаррифӣ намуданд.Аз рӯи шартҳои озмун донишҷӯи Консерваторияи миллии Тоҷикистон Ромиз Қурбонов бо пешниҳоди мусиқӣ тариқи доира, донишҷӯи Донишгоҳи миллии Тоҷикистон Ардашер Шарифзода бо пешниҳоди суруди «Модар» ва Рухсора Зурбекова донишҷӯи Донишкадаи санъати ба номи М. Турсунзода бо пешниҳоди рақси миллӣ сазовори ҷоизаҳо ва ҷойҳои аввал гардиданд.Дар маҷмӯъ барои ғолибияти даставӣ гурӯҳи Тоҷикистон сазовори Шоҳҷоизаи озмун гардид.Ҳамзамон, пешниҳоди дастурхони идона ва гӯшаи тоҷиконаи хонадони миллати мо ҷолибу хотирмон пешкаши тамошобинон гардид, ки дастоварди тозаи ҷавонони кишвар ба пешвози ҷашни Ваҳдати миллӣ мебошад.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
