Хатнасури кӯдакон дар Мӯъминобод

Кӯлоб, 28 июн. (АМИТ «Ховар», С.Холов). – Дар ноҳияи Мӯъминобод бо дастгирии мақомоти иҷроияи давлатии ноҳия, соҳибкорон ва раисони ҷамоатҳо 27 июни соли ҷорӣ бахшида ба ҷашни 15 – умин солгарди Ваҳдати миллии ҶТ хатнасури 52 нафар кӯдакони ятиму бепарастор ва оилаҳои камбизоат сурат гирифт. Раиси ноҳия Пирмад Зарифов ва намояндагони вилояти Хатлон кӯдаконро бо камоли самимият бо ин рӯзи фархунда табрику таҳният гуфта, ба онҳо сару либос ва тӯҳфаҳои хотиравӣ тақдим намуданд.Раиси ноҳия изҳор дошт, ки ҳар як кӯдаки ятиму бепарастор ва оилаи камбизоат дар ноҳия аз мадди назар дур набуда, дар оянда низ аз ҷониби мақомоти иҷроияи ҳокимияти давлатии ноҳия дастгирӣ хоҳанд шуд. Ба гуфтаи раиси ноҳия, тайи шаш моҳи соли ҷорӣ дар ноҳия тӯйи суннатии 150 нафар кӯдакони ятиму бепарастор ва оилаҳои камбизоат ба тариқи хайрия аз ҷониби шахсони саховатманд ва роҳбарони ташкилоту муассисаҳо гузаронида шудааст.