Ифтитоҳи хатсайри нави Хуҷанд — Бишкек — Хуҷанд

Душанбе, 7-май (АМИТ «Ховар» Мавзуна Бойева)-Парвозҳо дар хатсайри нави Хуҷанд — Бишкек — Хуҷанд аз ҷониби ҶСК «Тоҷик Эйр» ҳафтае як маротиба рўзҳои душанбе тавассути ҳавопаймои Боинг 737-500 сурат мегиранд. Вақти парвоз аз фурудгоҳи Хуҷанд соати 11:00 муқаррар гардида муддати парвоз як соатро ташкил медиҳад. Арзиши чипта 130 евро. Парвози нахустин дар хатсайри Хуҷанд — Бишкек — Хуҷанд санаи 11-уми июн роҳандозӣ мешавад. ҶСК «Тоҷик Эйр» аз фурудгоҳи байналмилалии Хуҷанд дар айни замон ба самти Маскав, Новосибирск, Санкт-Петербург ва Алма-ато парвозҳоро анҷом медиҳад.