Имконият барои истифодаи шабакаҳои иҷтимоӣ

Душанбе, 6 июн. (АМИТ «Ховар», Мавҷуда Анварӣ). – Тайи ду рӯз дар саридораи Агентии назорати маводи нашъаовари назди Президенти ҶТ барои намояндагони марказҳои матбуотии мақомоти ҳифзи ҳуқуқи маҳаллӣ ва узвҳои матбуот мизи мудаввар гузаронида шуд. Мизи мудаввар ба кормандони матбуоти мақомоти ҳифзи ҳуқуқ ҷиҳати вохӯрдан бо ҳамкорон аз васоити ахбор ва баррасии масъалаҳо доир ба пахши ахбори таъҷилӣ, баргузор намудани нишасти матбуотӣ, фаъолият дар шароити бӯҳронӣ, истифодаи шабакаҳои иҷтимоӣ имкониятҳои беназирро фароҳам овард.