Инъикоси масъалаҳои камбизоатӣ ва муҳити зист дар ВАО
Душанбе, 25 июн. (АМИТ «Ховар»). – Аз 28 то 29 июн дар шаҳри Хуҷанд тренинг (омӯзиш) – и муҳаррирони нашрияҳо ва журналистони бахши экология дар мавзӯи «Инъикоси самарабахши масъалаҳои камбизоатӣ ва муҳити зист дар ВАО» баргузор мегардад.Тавре ки аз Намояндагии Барномаи рущди Созмони Милали Муттаҳид дар Тоҷикистон ба АМИТ «Ховар» хабар доданд, мақсад аз ин чорабинӣ пешниҳоди иттилооти маърифатӣ дар бораи усулҳои амалии инъикоси мавзӯъҳои марбут ба таъсири экология ба сатҳи некӯаҳволии шаҳрвандон мебошад. Ҳамчунин якчанд ҷаласа аз рӯи масъалаи журналистикаи амалӣ ва машғулияти дигари маърифатӣ роҳандозӣ мешавад.