Истеҳсоли маҳсулоти бахши мошинсозӣ меафзояд

Душанбе, 22 июн. (АМИТ «Ховар», Кристина Эрлих). – Корхонаҳои саноати мошинсозӣ ва кимёи ҷумҳурӣ дар нимаи аввали соли 2012 истеҳсоли маҳсулотро афзун намуда, ба маблағи қариб 80 ҳазор сомонӣ маҳсулот бароварданд. Дар ин бора аз Вазорати энергетика ва саноати ҶТ ба АМИТ «Ховар» хабар доданд. Мувофиқи суханони манбаъ, суръати афзоиши истеҳсоли маҳсулоти бахши мошинсозӣ ва кимиё нисбат ба ҳамин давраи соли 2011 баробари 142 фоиз таъмин гардидааст.Дар нимаи аввали соли равон якчанд корхонаҳои саноатӣ, аз ҷумла Корхонаи воҳиди давлатии «Востокредмет», Корхонаи воҳиди давлатии «Садаф», Корхонаи воҳиди давлатии «Тоҷиктекстилмаш», Ҷамъияти саҳҳомии пӯшидаи «Регаркабел», Ҷамъияти саҳҳомии «Сомон Кӯлобтаҷҳизот» ва ғайра суръати афзоиши истеҳсоли маҳсулотро нисбат ба ҳамин давраи соли 2011 баробари 110 фоиз таъмин намуданд.