Истиқболи Рӯзи ваҳдати миллӣ дар ВКД

Душанбе, 15 июн. (АМИТ «Ховар», Мавҷуда Анварӣ). — Имрӯзҳо кормандони тамоми муассисаву идораҳои кишвар бо рӯҳияи шукргузорӣ аз сулҳу ваҳдат дар фазои шукӯҳу фараҳмандӣ 15- солагии имзои созишномаи умумии истиқрори сулҳ ва ризоияти миллӣ-иди Вахдати миллиро истиқбол мегиранд.Бахшида ба ин санаи таърихӣ имрӯз дар толори маҷлисгоҳи Вазорати корҳои дохилии Ҷумҳурии Тоҷикистон бо иштироки муовини вазири корҳои дохилӣ генерал-майори милитсия Саидхон Ҷӯрахонов ва намояндагони Кумитаи иҷроияи Ҳаракати ваҳдати миллӣ ва эҳёи Тоҷикистон бо кормандони мақомоти корҳои дохилӣ вохӯрӣ баргузор гардид. Дар ҷамъомад роҳбари Кумитаи иҷроияи Ҳаракати Ваҳдати миллӣ ва эҳёи Тоҷикистон Қурбон Восиев ва ҳамоҳангсози ин ҳаракат Рамазони Давлат ширкат варзида, ҳозиринро бо ин ҷашни таърихӣ аз номи Сарвари давлат табрик намуданд ва аз саҳми кормандони милитсия дар солҳои ҷанги шаҳрвандӣ, барқарор намудани сулҳ дар Тоҷикистон ёдовар шуданд.