Кашфу мусодираи маводи мухаддир дар ноҳияи Ҳамадонӣ

Душанбе, 12 июн. (АМИТ «Ховар», Мавҷуда Анварӣ). — Кормандони шӯъбаи ВКД дар ноҳияи Ҳамадонӣ дар ҷараёни тафтиши як хабари фаврии ба мақомот расида шаҳрванд Давлатов Аҳмади 35 сола, сокини деҳаи Чорбоғро дар наздикии хоҷагии моҳипарварии ҷамоати деҳоти Сайроб дастгир намуданд.
Тавре ки сомонаи расмии ВКД mvd.tj хабар медиҳад, дар натиҷаи кофтукови шахсӣ аз ӯ ба миқдори 65 кг 630 грамм маводи мухаддир, ки 37 кг 755 грамми онро героин, 16 кг 300 граммашро афюн, 10 кг 880 граммашро ҳашиш ва боқимондаро 3752 дона таблеткаи психотропӣ ташкил медод, дарёфт намуданд.
Нисбат ба дастгиршуда парвандаи ҷиноӣ боз шуда, тафтишот идома дорад.Ёдовар мешавем, ки аз аввали сол аз ҷониби кормандони мақомоти ҳифзи ҳуқуқи кишвар дар маҷмӯъ беш аз 1 тоннаву 144 кг маводи нашъадор ёфт ва мусодира шудааст.