Китоби нави В.Ғаффорӣ ва З. Сайидзода

Душанбе, 4 июн. (АМИТ «Ховар», Лутфия Эшонқулова). – Китоби нависандаи тоҷик Воҳид Ғаффорӣ «Властелин труда» («Султони меҳнат»), ки аз фаъолияти Президенти Ҷумҳурии Қазоқистон Нурсултон Назарбоев нақл мекунад, дар нашриёти «Шаҳпар» — и Тоҷикистон аз чоп баромад. Тавре ки аз Сафорати Қазоқистон дар Тоҷикистон ба АМИТ «Ховар» хабар доданд, қисми зиёди китоб, ки иборат аз се боб аст, ба марҳилаҳои асосии ҳаёти Нурсултон Назарбоев бахшида шудааст. Мазмуни асосии асар иборат аз муносибати масъулиятноки қаҳрамони он ба меҳнат, ҳисси вазифа, меҳрубонӣ ва муносибати ғамхорона нисбат ба ҳамватанон мебошад. Мушовири калони Президенти Ҷумҳурии Тоҷикистон оид ба сиёсати хориҷӣ Зафар Сайидзода ҳаммуаллиф ва муҳаррири масъули ин китоб аст.Китоб бо дастгирии Сафорати Ҷумҳурии Қазоқистон дар Ҷумҳурии Тоҷикистон рӯи чоп омадааст.