Конфронси вазирони корҳои хориҷӣ дар Кобул

Июнь 15, 2012 14:34

Душанбе, 15 июн. (АМИТ «Ховар», Пайрав Назаров). – 14 июн дар шаҳри Кобул Конфронси вазирони корҳои хориҷии кишварҳои «Қалби Осиё» баргузор гардид, ки дар кори он ҳайати Ҷумҳурии Тоҷикистон бо роҳбарии Вазири корҳои хориҷӣ Ҳамрохон Зарифӣ ширкат дошт.Ҳамрохон Зарифӣ аз кори иҷрошудаи коршиносон ҷиҳати фароҳам овардани вазъияти боварӣ изҳори қаноатмандӣ карда, зикр намуд, ки бояд дар навбати аввал ба таҳкими ҳамкорӣ дар бахши амният, аз ҷумла ба мубориза алайҳи терроризм, ифротталабӣ ва гардиши ғайриқонунии маводи нашъаовар диққат дода шавад. Ҳамзамон қайд гардид, ки ҳалли қазияи Афғонистон ва барқароршавии сулҳ бо истифода аз усулҳои зӯроварӣ кифоят намекунад, бинобар ин бояд ба ҷиҳатҳои барқарор намудани сулҳу амнияти ин кишвар таваҷҷӯҳи хоса дода шавад. Вазири корҳои хориҷии Тоҷикистон дар робита бо ин моҳи марти соли 2012 баргузор гардидани Конфронси панҷуми минтақавии ҳамкории иқтисодӣ оид ба Афғонистонро, ки дар ҷараёни он як қатор лоиҳаҳои бахши инфрасохтор, аз ҷумла, лоиҳаҳои бахшҳои энергетика ва нақлиёт пешниҳод шуда буданд, хотирнишон сохт. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.

Июнь 15, 2012 14:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд