Консерти ҳисоботии коллеҷи хореографӣ

Душанбе, 12 июн. (АМИТ «Ховар», Людмила Дубинина). – 11 июн дар Театри давлатии академии опера ва балети Тоҷикистон ба номи С.Айнӣ консерти ҳисоботии хонандагони коллеҷи хореографии ба номи Малика Собирова баргузор гардид, ки дар он раққосони ҷавони синфҳои аз 1 то 7 иштирок доштанд.Дар барномаи консерт порчаҳо аз намоишномаҳои балети классикӣ аз қабили «Суворак», «Кӯли қувон», «Жизел», «Дон Кихот», «Навбаҳори Тоҷикистон», ҳамчунин рақсҳои миллии тоҷикӣ иҷро шуданд.Консертро намояндагони вазоратҳои фарҳанг ва маорифи Тоҷикистон, роҳбарони театрҳо, донишкадаҳои олӣ ва волидайн тамошо карданд.Мувофиқи суханони коргардони калони Театри опера ва балет Шамсӣ Низомов, омӯзгорони коллеҷ барои таҳияи ин консерт кори зиёдеро анҷом доданд.Дар консерт баробари хонандагони коллеҷ хатмкунандагони Коллеҷи хореографии шаҳри Перми Русия низ иштирок доштанд.