Криштиан Роналду эътироз мекунад
Душанбе, 13 июн. ( АМИТ «Ховар», Аловиддин Бӯриев).- Баъди бохт аз дастаи мунтахаби Олмон капитани дастаи мунтахаби Португалия Криштиан Роналду бо ҳамдастаҳояш барои минатдорӣ изҳор кардан ба мухлисони дастаи Португалия ҳамроҳ нашуда, бо эътироз аз дасташ нишони капитаниро канда, вориди хонаи либоскашӣ шудааст. Ба як маъно Роналду даъвати сармураббии дастаро рад карда, бо онҳо ҳамроҳ нашудааст. Дар натиҷа баъди бозгашт сармураббии тим Паулу Бенту ба ӯ огоҳӣ додааст ва аз Роналду ҷавоби носазо гирифтааст. Мегӯянд, ки дар ҳайати дастаи Португалия қисми зиёди бозингарон Роналдуро дӯст намедоранд, танҳо Пепе, ки бо Роналду дар «Реал» бозӣ мекунад, ӯро дастгирӣ мекунад. Сарвари гурӯҳи зиддироналдуро Нани роҳбарӣ мекардааст ва берун аз майдон ин бозингарон бо ҳам муносибати хуб надоштаанд.