Маҳфили назми Мӯъмин Қаноат дар Маскав

Июнь 18, 2012 15:17

Душанбе, 18 июн. (АМИТ «Ховар», Лутфия Эшонқулова). – 28 июн дар Муассисаи давлатии «Хонаи миллатҳои Маскав» бахшида ба 80 – солагии Шоири халқии Тоҷикистон Мӯъмин Қаноат маҳфили назм баргузор мегардад. Дар ин бора аз Иттифоқи тоҷикистониёни муқими Маскав ба АМИТ «Ховар» хабар доданд.Кумитаи тадорукотӣ аз ҷумлаи намояндагони Иттифоқи тоҷикони Русия, Ассосиатсияи созмонҳои «Самандар» ва «Нур» — и тоҷикон ва Намояндагии фарҳанги назди Сафорати Ҷумҳурии Исломии Эрон ва ҷамоаи афғонҳо таҳти раёсати шоир ва тарҷумони шинохта Михаил Синелников ҳамаи ҳаводорони назми волои бадеъро ба маҳфили халқҳои форсизабон бахшида ба солгарди шоири маҳбуб даъват менамоянд.Дар маҳфил шоирон, нависандагон, ходимони ҷамъиятию сиёсӣ, гурӯҳҳои эҷодкори Тоҷикистон, Афғонистон, Эрон ва Федератсияи Русия сухан мекунанд. Дар маҳфили каломи бадеъ худи устод Мӯъмин Қаноат ва шогирдону муҳаққиқони эҷодиёти ӯ аз Тоҷикистон, Эрон ва Афғонистон ширкат меварзанд.Дар ҳошияи маҳфил барномаи консертӣ ва намоиши китобу расмҳо низ дар назар аст.

Июнь 18, 2012 15:17

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд