Маҳсули таълифоти олимон ба намоиш гузошта шуд

Июнь 12, 2012 11:34

Душанбе, 12 июн.(АМИТ “Ховар”, Марзия Саидова).-Беш аз 90 номгўй адабиёти таълимӣ, 46 номгўй адабиёти илмӣ-тиббӣ, 13 номгўй луғатҳо ва маҷаллаю нашрияҳои Донишгоҳи давлатии тиббии Тоҷикистон ба номи Абўалӣ ибн Сино дар Китобхонаи миллии Тоҷикистон ба намоиш гузошта шуданд. Адабиёти тиббии мазкур бори нахуст ба табъ расида, онҳо аз ҷониби олимону устодони Донишгоҳ таълиф шудаанд, гуфт дар сўҳбат ба хабарнигори АМИТ “Ховар” Шодмон Ахмедов, ёвари ректори Донишгоҳи мазкур. Мавсуф афзуд, ки захираи маводи таълимӣ ва ғанӣ гардонидани фонди китобхона, яке аз омилҳои муҳим ҷиҳати пешбурди фаъолияти босубботи макотиби олии кишвар, хусусан Донишгоҳи тиббӣ маҳсуб мешавад. Алҳол дар Фонди умумии китобхонаи Донишгоҳ 668 ҳазору 284 нусха китоб нигоҳ дошта мешавад, ки аз он 521 ҳазору 997 нусха адабиёти таълимӣ, илмӣ, бадеӣ ва 143 ҳазор нусхаро захираҳои электронӣ ташкил медиҳанд. Мавриди зикр аст, ки бо эъмори бинои Китобхонаи миллии Тоҷикистон, ки яке аз биноҳои мўҳташам ва беназир дар қаламрави кишварҳои Осиёи Марказӣ маҳсуб меёбад, аҳли устодону донишҷўёни Донишгоҳи тиббӣ 19 ҳазору 500 нусха китобро, ки 390 ҳазор сомониро ташкил медиҳад, баҳри ғанӣ гардонидани ин ганҷина эҳдо намуданд.

Июнь 12, 2012 11:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд