Маҷмааи фароғатии соҳибкорони Суғд

Суғд, 6 июн. (АМИТ «Ховар», М.Амонов). – Бо иқдоми соҳибкорон Равзабону Неъматуллоева ва Абдурозиқ Шукуров дар шаҳри Хуҷанд маҷмааи хизматрасонию фароғатии «Боғи Ирам» бунёд гардид. Маркази хизматрасонию фароғатӣ имкон дорад дар як вақт то 300 нафар хоҳишмандро қабул намуда, ба онҳо хизмат расонад. Бунёди маҷмааи хизматрасонию фароғатии соҳибкорон барои 30 нафар ҷои кори доимӣ ва мавсимӣ фароҳам овард. Дар маросими ифтитоҳи марказ хатнасури 10 нафар кӯдаки 2 – 3 сола аз оилаҳои ниёзманд ва тӯйи арӯсии 1 ҷуфт ҷавон аз шаҳри Хуҷанд баргузор шуд. Мақсади асосии соҳибкорон обод намудани диёр, ба роҳ мондани хизматрасонии сатҳи баланд, фароҳам овардани ҷои кор барои шаҳрвандон аст.