Машғулияти муфаттишони Тоҷикистон

Душанбе, 14 июн. (АМИТ «Ховар», Лутфия Эшонқулова). – Муфаттишони мақомоти корҳои дохилии Тоҷикистон аз 25 май то 25 июн дар курсҳои такмили ихтисос иштирок доранд. Мувофиқи хабари сомонаи расмии Вазорати корҳои дохилии Ҷумҳурии Тоҷикистон, курсҳои такмили ихтисос дар заминаи Академияи Вазорати корҳои дохилии Ҷумҳурии Тоҷикистон бо мадади Раёсати кадрҳои вазорат ташкил ёфтаанд. Қобили зикр аст, ки Раёсати тафтишоти ВКД ҶТ бо мақсади баланд бардоштани сифати кор ба ниҳодҳои тафтишотии шӯъбаҳои корҳои дохилии пойтахт, ноҳияҳои тобеи ҷумҳурӣ, вилояти Хатлон, аз ҷумла ба шӯъбаҳои корҳои дохилии ноҳияҳои Хуросон, Носири Хусрав, Шаҳритус, Ҷиликӯл, Панҷ, Сарбанд, Бохтар, Қубодиён, Восеъ ва Фархор кӯмаки амалӣ мерасонад.