Машварати корӣ дар ҳузури Сарвари давлат
Душанбе, 9 июн. (АМИТ «Ховар»).- 8 июн Президенти кишвар Эмомалӣ Раҳмон бо аъзои ҳукумати ҷумҳурӣ, роҳбарони идораҳои назди ҳукумат, масъулини Дастгоҳи иҷроияи Президенти Ҷумҳурии Тоҷикистон ва дигар шахсони дахлдор машварати корӣ доир намуд. Дар машварат, асосан масоили вобаста ба татбиқи амалии натиҷаҳои сершумору пурарзиши сафари Президенти кишвар Эмомалӣ Раҳмон ба Ҷумҳурии Мардумии Чин баррасӣ шуд. Сарвари давлат Эмомалӣ Раҳмон ба роҳбарони сохторҳои дахлдор дастур дод, ки барои татбиқи босамари тавофуқоти зимни ин сафар ҳосилшуда нақшаи чорабиниҳо таҳия карда, пешниҳод намоянд. Тавре зикр гардид, тайи ин сафар танҳо бо ҳузури Президенти Ҷумҳурии Тоҷикистон Эмомалӣ Раҳмон 10 санади нав доир ба ҳамкорӣ бо Ҷумҳурии Мардумии Чин дар соҳаҳои энергетика, саноат, нақлиёту роҳсозӣ, геология, кишоварзӣ, бонкдорӣ ва ғайра ба имзо расид. Ба масъулин доир ба иҷрои тавофуқоти ҳосилшуда, аз ҷумла сохтмони маркази барқу гармидиҳии дуюми шаҳри Душанбе, корхонаи сементбарорӣ дар ноҳияи Шаҳритус, корхонаҳои афинажӣ ва коркарди мис дар шаҳри Панҷакент, комбинати металлургӣ дар мавзеи Зарнисори шаҳри Қайроққум, иншооти иҷтимоӣ дар Панҷакенту Зарнисор, тезондани бунёди нақбҳои Шаҳристону Чормағзак, омодасозии лоиҳаи нерўгоҳҳои обии Нуробод-1 ва Нуробод-2, кашидани хатҳои нави интиқоли нерўи барқ, тавсиа додани корҳои геологӣ-иктишофӣ дар майдонҳои ояндадори нафту газ ва маъданҳои кўҳӣ, рушди технологии соҳаи кишоварзӣ, ташкили технопаркҳо дар деҳот, омодасозии кадрҳои муҳандисӣ-техникӣ дар ҳамаи соҳаҳои афзалиятноки иқтисоди кишвар ва ғайра дода шуд. Зимни машварат ба масъулини дахлдор, ҳамчунин доир ба сарфакорона истифода бурдани маблағҳои буҷетӣ, хусусан дар ноҳияҳои кўҳистон ва ҷоннок намудани корҳо дар дигар самтҳои фаъолият супоришҳои мушаххас дода шуд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






