Мизи мудаввар дар Суди конститутсионии ҶТ

Душанбе, 28 июн. (АМИТ «Ховар», Лутфия Эшонқулова). – Ба ифтихори 15 – умин солгарди Рӯзи Ваҳдати миллӣ дар Суди конститутсионии Ҷумҳурии Тоҷикистон мизи мудаввар дар мавзӯи «Ваҳдат – омили муҳими давлатдорӣ» баргузор гардид.Дар кори мизи мудаввар намояндагони Прокуратураи генералӣ, Кумитаи давлатии амнияти миллӣ, Шӯрои адлия, Маркази миллии қонунгузории назди Президенти ҶТ, ваколатдори ҳуқуқи инсон дар Ҷумҳурии Тоҷикистон, ҳамчунин вазорату идораҳои дигари ҷумҳурӣ ширкат доштанд.Тавре ки аз Суди конститутсионӣ ба АМИТ «Ховар» хабар доданд, раиси Суди конститутсионии Ҷумҳурии Тоҷикистон Маҳкам Маҳмудов ҳозиронро бо ин санаи пуршарафи мардуми ҷумҳурӣ — 15 — солагии имзои Созишномаи умумӣ дар бораи барқарор намудани сулҳу ризоияти миллӣ дар Тоҷикистон муборакбод намуд. Зикр гардид, ки ин созишнома таҳкурсии ҳуқуқию воқеии сулҳи устувор ва ваҳдати миллии кишварамонро гузошт.