Муҳокимаи донишҳои кормандони вазорат

Душанбе, 12 июн. (АМИТ «Ховар», Покиза Маҳмадбекова). – 11 июн дар шаҳри Душанбе мулоқоти муовини аввали вазири молияи Ҷумҳурии Тоҷикистон Ҷамолиддин Нуралиев бо намояндагони Бонки Умумиҷаҳонӣ ва Бунёди байналмилалии асъор бо сарварии роҳбари ҳайат Тихомир Штучка баргузор гардид. Тавре ки дар котиботи Вазорати молияи кишвар ба АМИТ «Ховар» хабар доданд, Тихомир Штучка аз натиҷаи семинарҳои даҳрӯза ва машғулиятҳои амалии мутахассисони Сарраёсати қарзи давлатӣ ва дороии молиявии вазорат гузориш дода, сатҳи қобили қабули донишҳо ва малакаҳои амалии кормандони ин бахшро қайд намуд. Ҷамолиддин Нуралиев ба Тихомир Штучка барои кори дар вазорат иҷронамудааш изҳори миннатдорӣ карда, гуфт, ки ҳамкорӣ дар ин самт минбаъд ҳам рушду густариш хоҳад ёфт.