Мубодилаи таҷрибаи роҳбарони марказҳои таълимӣ

Душанбе, 19 июн. (АМИТ «Ховар», Пайрав Назаров). – Имрӯз, 19 июн, дар пойтахти Тоҷикистон дар заминаи барномаи Иттиҳоди Аврупо – Барномаи рушди СММ оид ба мусоидат ба назорати сарҳадҳо дар Осиёи Марказӣ семинари дурӯзаи минтақавии роҳбарону мушовирони марказҳои таълимии хадамоти сарҳадии Тоҷикистон, Қазоқистон, Қирғизистон, Ӯзбекистон ва Латвия оғоз ёфт.Иштирокдорони семинар аз таҷрибаи муносибатҳои инноватсионӣ дар таҳсилоти касбӣ ва таълими сарҳадбонон нақл карда, муовини роҳбари коллеҷи Хадамоти давлатии сарҳадии Латвия Андрис Аболинс аз таҷрибаи ҳамтоёни аврупоӣ дар бахши таълими сарҳадчиён гузориш медиҳад. Иштирокдорони семинар аз Омӯзишгоҳи олии сарҳадии Кумитаи давлатии амнияти миллии ҶТ ва Коллеҷи сарҳадии САҲА дидан мекунанд.