Муборизаи зидди малах идома дорад

Душанбе, 5 июн. (АМИТ «Ховар», Кристина Эрлих). – Дар Тоҷикистон муборизаи зидди яке аз ҳашароти асосии заррарасони кишоварзӣ — малах идома дорад. То имрӯз масоҳати паҳншавии малах дар Тоҷикистон беш аз 70 ҳазору 370 гектар заминро ташкил медиҳад. Тавре ки аз Корхонаи воҳиди давлатии «Муборизаи зидди малах» — и Вазорати кишоварзии Ҷумҳурии Тоҷикистон ба АМИТ «Ховар» хабар доданд, то 1 июн масоҳати беш аз 55 ҳазор гектар замин мавриди коркарди маводи кимиёвӣ қарор дода шудааст.Алҳол шумораи зиёди техника ва бисёр навъҳои коркарди воситаҳои махсус, ҳамчунин қариб 2 ҳазор нафар мутахассисон ба муборизаи зидди малах сафарбар карда шудаанд.