Мулоқоти вазир бо сафири Туркманистон

Душанбе, 26 июн. (АМИТ «Ховар»). – 25 июн Вазири корҳои хориҷии Ҷумҳурии Тоҷикистон Ҳамрохон Зарифӣ нусхаҳои Ваколатномаҳои Сафири Туркманистон дар Тоҷикистон Чинор Рустамоваро қабул кард. Мусоҳибон самтҳои ҳамкории мутақобилан муфиди дуҷониба дар бахшҳои савдо, иқтисод, энергетика ва саноат, нақлиёт ва коммуникатсия, фарҳанг ва маорифро мавриди баррасӣ қарор дода, ҳамчунин перомуни масъалаҳои минтақавии марбут ба вазъияти Афғонистон табодули афкор намуданд.Ҷонибҳо зикр карданд, ки барои таҳкими минбаъдаи муносибатҳо имкониятҳои мавҷударо истифода намуда, ҳамчунин ҷиҳати идома ёфтани раванди мусбати робитаҳои бисёрҷониба саъю кӯшиш хоҳанд кард.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.