Муосдираи зиёда аз 100 кило маводи мухаддир

Душанбе, 11 июн. (АМИТ «Ховар», Лутфия Эшонкулова).- Аз ҷониби кормандони милитсия дар наздикии хоҷагии моҳипарварии ноҳияи Ҳамадонӣ, ҷамоати деҳоти Сайроб шаҳрванд Аҳмад Давлатов, соли таваллудаш 1976, сокини деҳаи Чорбоғ дастгир шуд, ки ҳангоми кофтукови шахсӣ аз ӯ 37 килою 755 грамм маводи сахттаъсири «героин», 16 килою 300 грамм маводи нашъадори «афюн», 10 киллою 695 грамм маводи нашъадори «ҳашиш» ва 3752-дона таблеткаҳои психотропии «МДМА» дар вазни 880 грамм, ки ҳамагӣ ҷамъ 65 килою 630 граммро ташкил медиҳад, дарёфт ва мусодира гардид.  Ҳамчунин, ҳафтаи сипаригардида дар натиҷаи як амалиёт аз ҷониби кормандони Раёсати мубориза бар зидди гардиши ғайриқонунии маводи мухаддири Вазорати корҳои дохилӣ дар деҳаи Комсомоли ноҳияи Ҳамадонӣ шаҳрвандон Икром Темуров соли таваллудаш 1974, Абдурасул Ҳасанов ,соли таваллудаш 1978, сокинони ноҳияи мазкур ва шахрванди Ҷумҳурии Исломии Афғонистон Абдурашид валади Абдуқодир, соли таваллудаш 1972 дастгир карда шуданд. Ҳангоми кофтуков аз борхалтаи онҳо 46 бастаи селофанӣ, ки дар дохилашон маводи нашъадори навъи «ҳашиш» ба миқдори махсусан калон, яъне 42 кг ҷой дошт, дарёфт ва мусодира гардид. Аз рӯи ин ҳодисаҳо парвандаи ҷиноятӣ оғоз гардида, тафтишашон идома доранд.