Мусобиқаи қаҳрамонии Лигаи Олии кишвар

Душанбе, 22 июн. (АМИТ «Ховар», Фирӯза Давлатова).- Аз 23 то 24-уми июни соли равон мусобиқаи футбол байни дастаҳои кишвар доир мегардад. Дар рӯзи аввали бозӣ ду даста «ҲОСИЛОТ» (Фархор) бо «Истаравшан» (Истаравшан) дар варзишгоҳи марказии ноҳияи Фархор байни худ сабқат хоҳанд намуд. Рӯзи дуввум «ИСТИҚЛОЛ» (Душанбе) бо «ЗАРАФШОН» (Панҷакент) дар варзишгоҳи марказии шаҳри Душанбе. «ХАЙР» (Ваҳдат) – бо «ХУҶАНД» (Хуҷанд) дар варзишгоҳи “Хайр”-и шаҳри Ваҳдат ва «РАВШАН» (Кӯлоб) бо «РЕГАР-ТАДАЗ» (Турсунзода) бошад дар варзишгоҳи марказии шаҳри Кӯлоб баргузор мегардад. Тавре, ки аз Федератсияи футболи Тоҷикистон иттилоъ доданд ду бозии дигари даври 12-уми мусобиқаи Лигаи олӣ ба мӯҳлати дертар гузаронида шуд. Дар ин мусобиқаи “Гвардия” бо ССКА “Помир” 21-уми июл ва бозии “Энергетик” бо “Вахш” 25-уми июл соли ҷорӣ доир мегардад.