Мусофирон ғарқ шуданд

Душанбе, 28 июн. (АМИТ «Ховар», Лутфия Эшонқулова). – Бар асари садамаи нақлиётӣ дар ноҳияи Айнӣ 3 нафар дар Искандаркӯл ғарқ шуданд.Мувофиқи хабари Кумитаи ҳолатҳои фавқулодда ва мудофиаи шаҳрвандии назди Ҳукумати ҶТ дар ҷамоати Фондарё ронандаи автомобили тамғаи «Нива», сокини 34 — солаи ҷамоати Анзоби ноҳияи Айнӣ аз ӯҳдаи идораи мошин набаромада, автомобили ӯ ба Искандаркӯл фурӯ рафт. Бар асари ин ҳодиса ронанда ва ду нафар мусофирони ӯ дар об ғарқ шуданд. Мувофиқи хабари манбаъ, наҷотдиҳандагони Маркази наҷотдиҳии Кумитаи ҳолатҳои фавқулодда шоми ҳамон рӯз ҷасади ғарқшудагонро аз об бароварда, ба мақомоти дахлдор супурданд.