Музоядаи рақамҳои дилхоҳи автомобилҳои сабукрав

Душанбе, 25 июн. (АМИТ «Ховар», Лаззат Диловарзод).- Ба иттилои Раёсати бозрасии давлатии автомобилии Вазорати корҳои дохилии Ҷумҳурии Тоҷикистон, рӯзи 30-юми июни соли ҷорӣ музоядаи навбатии фурӯши рақамҳои «ҷолиб»-и автомобилҳои сабукрав баргузор мегардад. Дар музояда 169 рақами «ҷолиб», аз қабили АР01; АР10-01; 1100; 1212; 1221; 1300; 1331;1400; 1441; 2222; 3232; 4444; 5555; 6464; 6868; 0707, ҷамъ 166 рақамҳои чапу рости якхела ба фурӯш бароварда мешавад.Ба иттилои манбаъ, ҳамчунин силсилаи рақамҳои АН 01-7070; 8800; 9900 пешкаши ҳаводоронашон гардонида мешавад. Дар музояда арзиши як лот 270 сомонӣ муайян гардида, сипас боло меравад. Оне соҳиби рақами пешниҳодшуда иегардад, ки дар эълони лоти охирин маблағи эълоншударо пардохт мекунад.Ёдовар мешавем, ки дар музоядаи қаблӣ як шаҳрвани Душанбе, ки ба кори тиҷорат машғул аст, бо пардохти 55 ҳазор сомонӣ рақами автомобилии 01-01АР(01)-ро харидорӣ намуд. Аз музоядаи аввалин, ки соли 2010 баргузор гардид то имрӯз садҳо шаҳрвандон бо рақамҳои автомобилии «ҷолиб» дар кӯчаҳои шаҳру навоҳии ҷумҳурӣ гашту гард менамоянд, ки он диққати бинандаро ба худ ҷалб месозад.