Н. Мансуров-раиси нави Суди Олии иқтисодӣ
Душанбе, 15 июн.(АМИТ «Ховар», Марзия Саидова).- Бо пешниҳоди Президенти Ҷумҳурии Тоҷикистон ва Қарори Маҷлиси миллии Маҷлиси Олии Ҷумҳурии Тоҷикистон Наим Мансуров раиси Суди Олии иқтисодии Ҷумҳурии Тоҷикистон интихоб гардид. Наим Мансуров 58 сол дошта, зодаи шаҳри Хуҷанд аст. Мавсуф дорои маълумоти олии ҳуқуқшиносӣ буда, собиқаи 24 –солаи корӣ дорад. Аз соли 1988 дар низоми судии кишвар, аз ҷумла ба ҳайси муовини аввали раиси Суди Олии Ҷумҳурии Тоҷикистон фаъолияти пурсамар намудааст. То интихоб шуданаш ба вазифаи раиси Суди Олии иқтисодии Ҷумҳурии Тоҷикистон раиси Суди вилояти Суғд буд. Ҳамзамон дар иҷлосияи нўҳуми палатаи болоии парлумони мамлакат, ки нимаи дуюми 14 июн дар Душанбе таҳти раёсати Маҳмадсаид Убайдулоев, раиси Маҷлиси миллии Маҷлиси Олии Ҷумҳурии Тоҷикистон баргузор гардид, аъзои палатаи болоии парлумони Тоҷикистон пешниҳоди Президенти Ҷумҳурии Тоҷикистонро дар мавриди аз вазифаи раиси Суди Олии иқтисодии Ҷумҳурии Тоҷикистон бозхонд намудани Амирхоҷа Ғоибназаров бо сабаби ба кори дигар гузаштанаш ҷонибдорӣ намуданд. Инчунин Абдулҳафиз Ашўров аз вазифаи муовини якуми раиси Суди Олии иқтисодӣ ва Анварҷон Юсуфов аз вазифаи муовини якуми раиси Суди Олии Ҷумҳурии Тоҷикистон бо сабаби ба кори дигар гузаштанашон бозхонд гардиданд. Аъзои палатаи болоии парлумони Тоҷикистон ҳамзамон пешниҳоди Сарвари давлатро дар бобати интихоби Абдуҷаббор Қодиров ба вазифаи муовини якуми раиси Суди Олии иқтисодии Ҷумҳурии Тоҷикистон ҷонибдорӣ намуданд. Абдуҷаббор Қодиров соли 1957 дар ноҳияи Восеи вилояти Хатлон ба дунё омадааст. Дорои маълумоти олии ҳуқуқшиносӣ буда, 29 сол собиқаи корӣ дорад. Аз соли1989 инҷониб дар низоми судии мамлакат, аз ҷумла ба ҳайси муовини аввали вазири адлияи ҷумҳурӣ фаъолияти густурда доштааст.
Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
Ба ифтихори Рӯзи ҷавонон дар шаҳри Роғун бо иштироки зиёда аз 2500 нафар роҳпаймоӣ доир гардид
Дар Душанбе нишасти матбуотии Сафири Ҷумҳурии Исломии Эрон дар Тоҷикистон баргузор гардид
СИГНАХИ. Шаҳри муҳаббат ва маконе дар Гурҷистон, ки дар он ҳамеша сулҳ пойдор будааст
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар ноҳияи Синои пойтахт даври ноҳиявии озмуни ҷумҳуриявӣ баргузор шуд
Имрӯз дар баъзе ноҳияҳои Тоҷикистон борони бошиддат меборад
ҶАВОНОН-НЕРУИ СОЗАНДАИ ТОҶИКИСТОН. Дар ноҳияи Фархор Рӯзи ҷавононро таҷлил намуданд
«СОЗАНДАГОНИ ВАТАН». Дар Душанбе ҳамоиши ҷумҳуриявии ҷавонон баргузор гардид
РӮЗИ ҶАВОНОНИ ТОҶИКИСТОН. Дар майдони Парчами давлатӣ дар шаҳри Гулистон барномаи идона доир шуд
СОЛИ МАЪРИФАТИ ҲУҚУҚӢ. Дар ноҳияҳои Шаҳритус ва Носири Хусрав доир ба баланд бардоштани сатҳи маърифати ҳуқуқии аҳолӣ вохӯрӣ баргузор гардид
РӮЗИ ҶАВОНОН ТОҶИКИСТОН. Дар ноҳияи Муъминобод бахшида ба он ҳамоиши фарҳангӣ доир шуд
Дар Душанбе доир ба мафҳуми маърифати ҳуқуқӣ машварат доир шуд
