Нақшаи пилла иҷро шуд

Ҳисор, 13 июн. (АМИТ «Ховар», Ҳотам Рабиев).- Кирмакпарварони қавииродаи ноҳияи Ҳисор 31 тоннаю 221 килограмм пиллаи аълосифат ҷамъ оварда, нақшаро 104 фоиз иҷро карданд. Дар ин комёбӣ кирмакпарварони хоҷагиҳои «Боғистон», «Ватан», «Баракати чорводор», «Шумон», хоҷагиҳои ба номи Латиф Муродов, Ҳайдар Миров ва дигарон саҳми муносиб гузоштанд. Пиллапарварон мақсад доранд, ки бо зиёд намудани теъдоди ниҳолҳои тут парвариши ин ашёи пурқимматро минбаъд бештар намоянд.