Намоишгоҳи масолеҳи сохтмонии ватанӣ

Душанбе, 6 июн. (АМИТ «Ховар», Дилшодаи Хайруллоҳ).- Бо иқдоми Вазорати энергетика ва саноати Ҷумҳурии Тоҷикистон 15 июни соли 2012 дар шаҳри Душанбе дар бинои Ҷамъияти саҳҳомии пӯшидаи Иттиҳодияи илмию истеҳсолии сохтмонии «Техноинвест» (кӯчаи Дӯстии халқҳо, 47) намоишгоҳи масолеҳи сохтмонии истеҳсоли корхонаҳои ватанӣ баргузор хоҳад шуд. Дар назар дошта шудааст, ки дар намоишгоҳ 25 намуд маҳсулоти гуногуни масолеҳи сохтмоние, ки дар корхонаҳои ҷумҳурӣ истеҳсол мешаванд, ба маърази тамошо гузошта хоҳад шуд. Ширкату муассисаҳои сохтмонӣ, шахсони инфиродӣ имкон доранд, ки аз намоишгоҳ дидан намуда, бо маҳсулоти мазкур шинос шуда ва барои харидорӣ намудани онҳо шартномаҳо ба имзо расонанд. Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.