Намояндагони ХФМ РФ ба Душанбе меоянд

Июнь 19, 2012 10:01

Душанбе, 19 июн. (АМИТ «Ховар», Лутфия Эшонқулова). – Имрӯз, 19 июн, сардори Раёсати Хадамоти федералии муҳоҷирати Русия дар вилояти Маскав Олег Молодиевский ва сардори шӯъбаи раёсати мазкур дар фурудгоҳи «Домодедово» — и вилояти Маскав Владимир Балашов барои боздиди корӣ ба шаҳри Душанбе меоянд. Дар ин бора аз Хадамоти муҳоҷирати назди Ҳукумати ҶТ ба АМИТ «Ховар» хабар доданд.Мувофиқи маълумоти манбаъ, дар ҷараёни сафари корӣ мулоқоти ҳайати Хадамоти федералии муҳоҷирати ФР бо роҳбарияти Хадамоти муҳоҷирати назди Ҳукумати ҶТ дар назар аст. Ҷонибҳо ҳамчунин масъалаҳои ҳамкории дуҷониба дар бахши муҳоҷирати меҳнатӣ, аз ҷумла масоили ҷилавгирии муҳоҷирати ғайриқонунӣ, таъмини назорати самарабахши бахши муҳоҷират, ҳамчунин муқаррар намудани квотаҳо барои ҷалби муҳоҷирони ҶТ ҷиҳати иҷрои кор дар Федератсияи Русияро мавриди муҳокима қарор медиҳанд. Дар ҷараёни ин сафар мулоқот бо директори Корхонаи воҳиди давлатии «Тоҷикхориҷакор» — и Хадамоти муҳоҷирати назди Ҳукумати ҶТ дар назар аст. Зимни ин мулоқот масъалаҳои интихоби муташаккилона ва ба вилояти Маскав фиристодани муҳоҷирони меҳнатии Тоҷикистон мавриди баррасӣ қарор мегиранд.

Июнь 19, 2012 10:01

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд