Ноиби мудири НБО «Роғун» вакили парлумон мешавад

Душанбе, 19 июн.(АМИТ «Ховар», Марзия Саидова).- Ваколати вакили Маҷлиси намояндагони Маҷлиси Олии Ҷумҳурии Тоҷикистон Хадича Ҳакимова, ки 17 июн бар асари бемории тўлонӣ аз олам гузашт ба аъзои дигари Ҳизби Халқии Демократии Тоҷикистон /ҲХДТ/ Дилшод Исматуллоев, ки дар вазифаи муовини директори генералии Ҷамъияти саҳҳомии шакли кушодаи «Неругоҳи барқи обии «Роғун» фаъолият дорад, дода мешавад. Дар ин хусус ба АМИТ «Ховар» Усмон Солеҳ мудири шўъбаи таблиғот, иттилоот ва матбуоти Дастгоҳи Кумитаи иҷроияи ҲХДТ иттилоъ дод. Мавсуф зикр кард, ки Дилшод Исматуллоев аз рўи ихтисос иқтисодчӣ буда, дар НБО «Роғун» вазифаи муовини директори генералӣ оид ба молия ва иқтисодро ба ўҳда дошт. Қаблан ў дар корхонаи кимёи Ёвон низ фаъолият кардааст. Мавриди зикр аст, ки ҲХДТ, ки соли 1994 таъсис дода шудааст, дар палатаи поёнии парлумони мамлакат- Маҷлиси намояндагон беш аз 40 намоянда дорад.