Омодасозии кадрҳо барои мақомоти корҳои дохилии ИДМ
Душанбе, 8 июн. (АМИТ «Ховар», Лутфия Эшонқулова).-Дар шаҳри Душанбе аз 6 то 8-уми июни соли равон ҷаласаи роҳбарони кадрҳои дастгоҳҳои Вазоратҳои корҳои дохилӣ – политсияи давлатҳо-иштирокчиёни ИДМ баргузор гардид. Мақсади ин вохӯрии сатҳи баланд аз муайян намудани вазифаҳои афзалиятнок дар тайёр намудани кадрҳои баландихтисос ва роҳҳои ҳалли он иборат буд. Дар рӯзномаи ҷаласа масъалаҳои таҳкими ҳамкориҳо дар соҳаи сиёсати кадрӣ ва усулҳои ҳалли онҳо, мушкилоти касбию равонии омодагии кормандони мақомоти корҳои дохилӣ ва политсия баррасӣ гардиданд. Иштирокчиёни ҷаласа масъалаҳои фаъолияти Ассотсиатсияҳои макотиби олии ВКД, политсияи кишварҳои узви ИДМ-ро доир ба тайёрӣ ва баланд бардоштани сатҳи тахассуси ҳайати шахсии соҳаҳои мақомоти ҳифзи ҳуқуқ, ки истифодаи таҷриба ва нерӯҳои муассисаҳои таълимӣ, нерӯи зеҳнии ҳайати устодон, усулҳои нав ба нави технологӣ ва омӯзиширо дар бар мегиранд, мавриди муҳокима қарор доданд. Зимни ҷаласа Вазири корҳои дохилӣ Рамазон Раҳимов гуфт, ки таҳкими нерӯҳои кадрӣ, беҳтар намудани сифати ҳайати мақомоти корҳои дохилӣ, политсия, дар шароити ислоҳоти соҳа аҳамияти бузург дорад. Ӯ пешниҳод намуд, ки барои ҳалли муваффақонаи вазифаҳои мақомоти корҳои дохилӣ, омӯзиш, бозомӯзӣ ва баланд бардоштани сатҳи тахассуси кадрҳо масъалаи таъсиси марказҳо доир ба самтҳои гуногуни фаъолият дар мубориза бар зидди ҷинояткорӣ дар давлатҳои ИДМ баррасӣ карда шавад. Масалан, дар соҳаи мубориза бо ҷиноятҳои иқтисодӣ, қонунӣ намудани маблағҳои бо роҳи ҷиноят ба даст омада ва ҷиноятҳо дар соҳаи технологияи олӣ бисёр муҳим аст.Иштирокчиёни ҷаласа аз Ҷумҳуриҳои Тоҷикистон, Озарбойҷон, Беларус, Федератсияи Русия, Қазоқистон, Туркманистон ва Арманистон таҷрибаи амалии худро дар ин самт баён намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






