Парламентарҳо дар Душанбе ҷамъ меоянд

Душанбе, 14 июн.(АМИТ «Ховар»,Марзия Саидова).- Имрўз пас аз зуҳр дар Душанбе иҷлосияи нўҳуми Маҷлиси миллии Маҷлиси Олии Ҷумҳурии Тоҷикистон даъвати чорум баргузор мегардад. Интизор меравад, ки аъзои палатаи болоии парлумони Тоҷикистон дар иҷлосия ҳудуди 55 масъалаи муҳимро, ки ба рушди устувори бахшҳои иқтисодию иҷтимоӣ ва фарҳангии мамлакат нигаронида шудаанд, баррасӣ ва ҷонибдорӣ хоҳанд кард. Мавриди зикр аст, ки масъалаҳои баррасишаванда қаблан дар палатаи поёнии парлумон-Маҷлиси намояндагон муҳокима ва қабул шуда, ҷиҳати ҷонибдорӣ ба Маҷлиси миллӣ ироа шудаанд.