Плюрализм ва масъалаҳои низоми сиёсӣ
Душанбе, 21 июн.(АМИТ «Ховар», Марзия Саидова).- Фардо дар Душанбе бо ибтикори Маркази тадқиқоти стратегии назди Президенти ҷумҳурӣ дар мавзӯи «Плюрализм ва масъалаҳои замонашавии низоми сиёсӣ дар Тоҷикистон» конфронс баргузор мегардад. Дар ин хусус ба АМИТ «Ховар» Сайфулло Сафаров, муовини директори Маркази мазкур иттилоъ дод. Конфронс дар ҳошияи таҷлили 15-умин солгарди Рӯзи Ваҳдати миллӣ гузаронида шуда, дар он масъалаҳои марбут ба гуногунандешӣ ва замонашавии низоми сиёсӣ дар Тоҷикистон матраҳ мегарданд. Интизор меравад, ки дар ҳамоиш намояндагони даврҳои гуногуни музокироти сулҳи тоҷикон, вакилони парлумони Тоҷикистон, муовинони раисони шаҳру ноҳияҳои кишвар намояндагони аҳзоби сиёсӣ иттиҳодияҳои ҷамъиятӣ ва васоити ахбори омма ширкат меварзанд. Бояд тазаккур дод, 15 сол муқаддам, аниқтараш 27 июни соли 1997 дар пойтахти Русия шаҳри Маскав бо ҳузури намояндагони ҷонибҳои мухолиф санади сарнавиштсоз- Созишномаи умумии истиқрори сулҳ ва ризоияти миллии ҷомеаи Тоҷикистон ба имзо расид , ки ин ҳуҷҷати тақдирсоз сулҳу суботро дар кишвар таъмин намуда, ба кашмакашҳои дохилӣ хотима гузошт.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
