Порахӯр дастгир шуд

Душанбе, 11 июн. (АМИТ «Ховар», Лутфия Эшонқулова). – 10 июн кормандони мақомоти ҳифзи ҳуқуқи ҷумҳурӣ муовини комиссари ҳарбии ноҳияи Фирдавсии шаҳри Душанбе Абдуллоҷон Шоҳназаровро, ки ба порахӯрӣ гумон бурда мешавад, дастгир намуданд. Мувофиқи хабари сомонаи расмии Вазорати корҳои дохилии Ҷумҳурии Тоҷикистон маълум шуд, ки ин шахси дастгиршуда бо кормандони комиссариати ҳарбии ноҳияи Абдураҳмони Ҷомӣ ва қисми ҳарбии рақами 45045 Кумитаи ҳолатҳои фавқулодда ва мудофиаи шаҳрвандии назди Ҳукумати ҶТ забон як карда, ба номи шаҳрванд Азиз Раҳмонов дафтарчаи ҳарбӣ тартиб дода, аз ӯ чун пора 600 доллари амрикоӣ гирифтааст.Аз рӯи ин ҳодиса парвандаи ҷиноӣ кушода, тафтишот идома дорад.