Препаратҳои дору нест карда шуданд
Қӯрғонтеппа, 19 июн. (АМИТ «Ховар», Мурод Сотиев). – Кормандони Раёсати назорати давлатӣ дар бахши дорусозии вилояти Хатлон як миқдор препаратҳои бадсифати доруро нест карданд. Тавре ки муовини сардори раёсати мазкур Муҳаммадҷон Қараев ба АМИТ «Ховар» хабар дод, ҷамъ 262 номгӯи препаратҳои дору ба маблағи беш аз 43 ҳазор сомонӣ нест карда шуданд.Мувофиқи суханони мусоҳиб, кори ин бахш ба дараҷаи хуб роҳандозӣ шуда, ширкатҳои тиҷоратӣ аз хусуси препаратҳои мӯҳлати истифодаашон анҷомёфта ба раёсат ҳамеша хабар медиҳанд.