Рӯзи дарҳои кушода дар Берлин

Душанбе, 5 июн. (АМИТ «Ховар», Пайрав Назаров). – Чанде пеш дар Сафорати Ҷумҳурии Тоҷикистон дар шаҳри Берлин ба ифтихори Рӯзи ваҳдати миллӣ, ки 27 июн баргузор мегардад, Рӯзи дарҳои кушода сурат гирифт. Сафири Ҷумҳурии Тоҷикистон дар Олмон Имомуддин Сатторов аз давраҳои асосии таърихи халқи тоҷик, марҳалаҳои барқароршавӣ ва рушди давлатдории тоҷикон нақл кард.Иштирокдорони ин чорабинӣ бо ҳаёти имрӯзаи сиёсӣ, иҷтимоию иқтисодӣ ва фарҳангию зеҳнии кишвар, ҳамчунин бо бунёди иншоотҳои гидроэнергетикӣ ва лоиҳаҳои ихтисосии Тоҷикистон, ки мақсад аз онҳо таъмини рушди устувори кишвар аст, шинос шуданд. Дар доираи ин чорабинӣ филме дар бораи таърихи Тоҷикистон, нерӯи гидроэнергетикӣ ва имконоти сайёҳии он намоиш дода, ҳамчунин намоишгоҳи китобу маводи гуногун ба забони немисӣ перомуни таърихи Тоҷикистон, муносибатҳои Тоҷикистону Олмон ва ҷойҳои ҷолиби диққати ҷумҳурӣ ташкил карда шуд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.