Рекорди нави Тоҷикистон дар давидан

Душанбе, 7 июн. ( АМИТ «Ховар», Аловиддин Бӯриев).- Дар мусобиқаи кушоди Ҷоми Ӯзбекистон доир ба давидан ба масофаи 200 метр варзишгари Тоҷикистон Владислава Овчаренко байни бонувон соҳиби медали биринҷӣ гардида, рекорди нави Тоҷикистонро гузошт. Натиҷаи нишондодаи ӯ ба 24,24 сония баробар шуд. Дар мусобиқа дар масофаи 100 метр ӯ зинаи 4-ро(11,39) ба даст овард. Ҳамдастааш Даврон Атобоев байни мардон ба гирифтани мақоми 5-ум(10,84) қаноат ҳосил кард. Акнун намояндагони варзиши сабук дар ҳайати Владислава Овчаренко (100, 200 м), Олга Эшмуродова (100, 200 м), Кристина Пронженко (ҷаҳидан ба дарозӣ), Александр Пронженко (110 м бо монеахо), Далерҷони Ҳайдар (400, 800 м), Хисрави Иқболшо (1500, 5000 м) ва Ҳасан Ғафуров (10 000 м) рӯзҳои 9 ва 10 июн дар мусобиқа барои ҷоизаи Татяна Колпакова дар Бишкек ва 1 июл дар ҳамин гуна мусобиқа дар Алма-Ато иштирок мекунанд.