Роҳбари ХМ ҶТ дар Маскав

Душанбе, 15 июн. (АМИТ «Ховар», Лутфия Эшонқулова). – Сафари сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев дар Федератсияи Русия идома дорад.Тавре ки аз Намояндагии Хадамоти муҳоҷирати назди Ҳукумати ҶТ дар ФР ба АМИТ «Ховар» хабар доданд, Сафиалло Девонаев дар чорабинии ботантана бахшида ба 20 — солагии таъсиси Хадамоти федералии муҳоҷирати Федератсияи Русия иштирок намуд. Дар ҷараёни боздид аз Маркази хидматрасонии давлатии ноҳияи Восточное Дегумино роҷеъ ба ҳамкории Хадамоти муҳоҷирати Тоҷикистон, Намояндагии он дар Русия ва Корхонаи воҳиди давлатии «Тоҷикхориҷакор» бо маркази зикршуда дар мавриди масъалаҳои ба муҳоҷирони меҳнатии Тоҷикистон расонидани кӯмаки ҳамаҷониба созиш ба даст омад.